តំណាងបក្សកុម្មុយនិស្តវៀតណាម ស្នើសុំអោយ កម្ពុជា បើកអោយមាន ដេប៉ាតេម៉ង់ភាសាវៀតណាមនៅសកលវិទ្យាល័យភូមិន្ទភ្នំពេញ..

ក្រុងភ្នំពេញ៖ តំណាងបក្សកុម្មុយនិស្តយួន (វៀតណាម) ដែលបានមកធ្វើទស្សនកិច្ចនៅកម្ពុជា បានស្នើសុំ កម្ពុជា បើកឱ្យមាន ដេប៉ាតេម៉ង់ភាសាវៀតណាមនៅសាកលវិទ្យាល័យភូមិន្ទភ្នំពេញ ដែលសំណើនេះត្រូវបានកម្ពុជាយកទៅពិចារណា ។

សំណើរបស់វៀតណាមធ្វើឡើងក្នុងជំនួបរវាង លោកHUYNH THANH DAT សមាជិកគណៈកម្មការ

កណ្តាលបក្សកុម្មុយនិសវៀតណាម លោក NGUYEN THIEN NHAN សមាជិកការិយាល័យនយោបាយលេខាគណៈកម្មាធិការបក្សទីក្រុង ហូជីមិញ និងជាសាកលវិទ្យាធិការសាកលវិទ្យាល័យជាតិវៀតណាមជាមួយលោក បណ្ឌិត ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ ( RUPP )នៅថ្ងៃទី២៧ មករាឆ្នាំ២០១៧ នេះបើតាមគេហទំព័រមួយចុះផ្សាយនៅថ្ងៃនេះ។

នៅក្នុងជំនួបសំណេះសំណាលនេះ លោក  NGUYEN THIEN NHAN បានលើកឡើងអំពីគោលបំណងនៃ បង្គើត ដេប៉ាតេម៉ង ភាសាវៀតណាមនៅក្នុងសាកលវិទ្យាល័យភូមិន្ទភ្នំពេញ ដែលលោកសង្ឃឹមថានឹងមានការយល់ពីកម្ពុជាក្នុងពេលឆាប់នេះៗ ។

ស្របពេលនេះដែរ លោកបណ្ឌិត ជេត លី សាកលវិទ្យាធិការនៃសាកលវិទ្យាល័យភូមិន្ទភ្នំពេញ បានឯកភាព និងពិចារណាលើគំនិតស្នើសុំនេះ។

ក្នុងនោះដែរលោក  NGUYEN THIEN NHAN បានស្នើឲ្យកម្ពុជាពង្រឹងបន្ថែមវប្បធម៌និងផ្នែកផ្សេងទៀតដើម្បីអភិវឌ្ឍន៍តំបន់អាស៊ានមានការរីកចម្រើន។ លោកថាវៀតណាមគឺជាមិត្តស្មោះត្រង់របស់កម្ពុជា។

សូមបញ្ជាក់ថាមកទល់ពេលនេះ សាកលវិទ្យាធិការនៃសាកលវិទ្យាល័យភូមិន្ទភ្នំពេញ មាននិស្សិតវៀតណាម ទទួលការសិក្សា ចំនួន៧៧៧នាក់ ក្នុងនោះ មាននិស្សិតជាកម្មាភិបាលនៅតាមបណ្តាខេត្ត និងក្រសួងមន្ទីរ ព្រមទាំងមន្រ្តីស្ថានទូតវៀតណាមផងដែរ៕៚

ប្រភពដកស្រង់ពី (news.dailyfresh.info)