Wow!! :O ខ្លាំងណាស់ខ្មែរយើង! កីឡា​ការិនី​កម្ពុជា បំបាក់​កីឡាការិនី​ថៃ ១០០-០ នៅ Asian Games 2018

ពិតជាអស្ចារ្យណាស់ និងមោទនភាពកីឡាការិនី​កម្ពុជា ខាន់ ចេសា (Jessa Khan) បានទម្លាក់​កីឡា​ការិនី​ថៃ Boonsorn Wuwannan វគ្គ ៣២នាក់​ចុងក្រោយ ដោយ​ពិន្ទុ ១០០ ទល់នឹង ០ ក្នុង​ប្រភេទ​កីឡា​ជូជីតស៊ូ (JU-JITSU) ទម្ងន់​ក្រោម ៤៩គីឡូក្រាម នៃ​ព្រឹត្តិការណ៍​កីឡា​ទ្វីប​អាស៊ី Asian Games 2018 នា​វេលា​ម៉ោង ១០ព្រឹក ថ្ងៃទី២៤ ខែសីហា​នេះ។

ក្រោយជ័យជម្នះ​នេះ កីឡា​ការិនីវ័យ​ ១៦ឆ្នាំ​ដែល​ជា​កូនកាត់​កម្ពុជា-អាមេរិក​រូបនេះ ត្រូវ​ឡើង​​ប៉ះ​កីឡាការិនី​ចិន នៅ​វគ្គ ១៦នាក់​ចុងក្រោយ ប៉ុន្តែ Jessa បាន​ឈ្នះ​ដោយ​ស្វ័យប្រវត្តិ ក្រោយ​កីឡា​ការិនី​ចិន បោះបង់​ការ​ប្រកួត។

កីឡា​ការិនី​កម្ពុជា Jessa Khan កំពុង​រង់ចាំ​នៅ​វគ្គ ៨នាក់​ចុងក្រោយ ដោយ​មិនទាន់​ដឹង​គូ​ប្រកួត​នៅឡើយទេ។

ចំណែកវិញ្ញសាផ្នែក​បុរស​វិញ កីឡាករ​កម្ពុជា ខូវ សុវឌ្ឍនា ក៏បានយកឈ្នះគូប្រកួត ១០០-០ ដូចគ្នាដែរ​ គឺឈ្នះកីឡាករ​អារ៉ាប់រួម នាវគ្គ ៣២នាក់ចុងក្រោយ។

​អត្ថបទ៖ សុខ សុវត្ថិ

(ដកស្រង់ប្រភពមកពី»»[ខ្លីៗ]​ លីង»»http://kleykley.sabay.com.kh )