អ្នកដែលចេញពីគុកហើយ កុំប្រហើន!! នេះជាសម្តីគំរាមព្រមានថ្មីរបស់លោក ហ៊ុន សែន! ដែលទំនងចង់សំដៅលើលោក គឹម សុខ

លោក ហ៊ុន សែន បានប្រហើរប្រលយនូវសម្តីព្រមានថ្មី១ដែលក្នុងន័យគំរាមទៅដល់អ្នកដែលបានចេញពីគុកថ្មីៗនេះ ឱ្យប្រយ័ត្ន កុំប្រហើន ប្រយ័ត្នចូលគុកម្តងទៀត បើអ្នកឯងធ្វើខុសច្បាប់ដែលបានកំណត់សេរីភាពរបស់អ្នកឯង និងសេរីភាពរបស់អ្នកដទៃ..។

លោក ហ៊ុន សែន បានថ្លែងដូចតទៅ

( អ្នកដែលបានចេញពីគុកហើយហ៎ ក៏កុំប្រហើនពេកដែរ កុំស្មានតែគេមិនហ៊ានចាប់បញ្ចូលគុកវិញ អាហ្នឹងគឺ នៅច្បាប់របស់កម្ពុជា ឬច្បាប់នៅលើពិភពលោកគេអត់បានហាមឃាត់ថា ជាប់គុកម្តងរួចហើយ អត់ត្រូវជាប់គុកលើកទី២ ឬលើកទី៣ទេ អត់មានច្បាប់ណាហាមឃាត់ទេ ត៎ាប៉ះពាល់ដល់ច្បាប់ ច្បាប់ចាប់ទៀត កាត់ទោសទៀតជាប់គុកទៀត.. មានតែចឹង! និយាយចឹងមិនមែនបានសេចក្តីថាមិនបាន អ្នកឯងនិយាយអីនិយាយទៅកុំតែប៉ះពាល់ដល់គេ ត្រូវដឹងថា សេរីភាពរបស់ឯងអ្នកឯង គឺមានព្រំប្រទល់ជាមួយសេរីភាពរបស់អ្នកដទៃ តែប៉ុណ្ណឹងទៅបានហើយ បើអ្នកឯងបំពានហើយ ទោះបីអ្នកឯងជាប់គុកម៉ារយដងក៏នៅតែត្រូវជាប់គុកបន្តទៀត! អាហ្នឹងវាត្រូវតែចូលគុកវាចឹង ប៉ុន្តែអាគុកគឺថា បើមួយរយដងវាមួយរយឆ្នាំ..កម្សត់....ហើយបើ បើគុក ក្រយៅវាជាប់គុក វាកើតមកវាត្រូវតែជាប់គុក រកតែគុក វានឹកគុក បើ..សើច..វាមិនបានចូលគុក អាគុកមកសួរសុខទុក្ខ..)

សារសំឡេងគំរាមព្រមានរបស់លោក ហ៊ុន សែន

បើតាមការសង្កេត និងផ្តោតលើខ្លឹមសាររបស់លោក ហ៊ុន សែន គឺមានន័យចង់សំដៅទៅលើលោក គឹម សុខ ដែលទើបតែបានដោះលែងថ្មីៗនេះ ហើយនៅថ្ងៃម្សិលមិញនេះបានវិភាគនៅជិតសវនាការជំនុំជម្រះក្តីលោក កឹម សុខា ដែលប្តឹងតវ៉ាសុំនៅក្រៅឃុំ.. ។



NEWs KHMER Posts សូមជម្រាបជូនថា ការថ្លែងឡើងព្រមានថ្មីៗធ្ងន់ៗបែបនេះទំនងចង់សំដៅទៅលើលោក គឹម សុខ អ្នកវិភាគនយោបាយ និងសង្គម បានធ្វើឡើងនៅក្នុងពិធីក្នុងឱកាសជួបសំណេះសំណាលជាមួយកម្មករ កម្មការីរោងចក្រជាង១ម៉ឺននាក់ នៅភូមិព្រែកត្រែង២ ឃុំសំរោងធំ ស្រុកកៀនស្វាយ ខេត្តកណ្តាល នាព្រឹកថ្ងៃទី ២៣ សីហា ២០១៨ នេះ អមដោយមន្ត្រីអ្នកមុខអ្នកការជាច្រើនទៀត៕៚