បេក្ខនារី THE VOICE CAMBODIA រដូវការទី២ សាន ស្រីឡៃ ត្រូវបានឃាតករខ្មាន់កាំភ្លើងបាញ់សម្លាប់ ហើយឃាតករក៏បានបាញ់សម្លាប់ខ្លួនឯងផងដែរ R.I.P ស្រីឡៃ :'(

តារាចម្រៀង សាន ស្រីឡៃ បេក្ខនារីធ្លាប់ប្រឡូកការប្រកួតប្រជែងក្នុងកម្មវិធីដ៏ល្បី THE VOICE CAMBODIA រដូវការទី២ ត្រូវបានឃាតករខ្មាន់កាំភ្លើងបាញ់សម្លាប់នៅក្បែរស្ថានីយ៍ទូរទស្សន៍ប៉ុស្តិ៍អប្សរា រួចហើយខ្មាន់កាំភ្លើងក៏បានបាញ់សម្លាប់ខ្លួនឯងតាមក្រោយដែរ ។

បើតាមអ្នកដែលនៅម្តុំកន្លែងកើតហេតុបានអោយដឹងថា នៅរសៀលថ្ងៃទី១៦ ខែតុលា ឆ្នាំ២០១៧ ស្ត្រីរងគ្រោះដែលជាតារាច្រៀង ហើយក៏ធ្លាប់ជាអតីតបេក្ខនារី The Voice Cambodia ក្នុងរដូវការទី២ ឈ្មោះថា សាន ស្រីឡៃ ត្រូវខ្មាន់កាំភ្លើងបាញ់ជាច្រើនគ្រាប់បណ្តាលអោយស្លាប់ភ្លាមៗតែម្តងនៅនឹងកន្លែង ហើយស្នូរផ្ទុះអាវុធក៏បន្តផ្ទុះឡើងថែមទៀត ក្រឡេកទៅឃើញបុរសម្នាក់បានដួលដេកស្តូកក្នុងថ្លុកឈាមដែរ ដែលគេបាននិយាយថានោះហើយជាឃាតករបាញ់ ស្រីឡៃ! ។

 រឿងហេតុនេះបានធ្វើអោយមានការភ្ងាក់ផ្អើលអស់អ្នកនៅក្នុងតំបន់នោះ និងមានការនិយាយតៗគ្នាថា ឥឡូវស្រុកទេសយើងដូចមិនសូវមានសុវត្តិភាពសោះ ហេតុអ្វីមិនអាចគ្រប់គ្រងអាវុធជាតិផ្ទុះបាន? ចេះតែមានរឿងបាញ់បោះ បាញ់សម្លាប់....ជាបន្តបន្ទាប់។ អ្នកខ្លះវិញថាអាចមកពីរឿងស្នេហាត្រីកោណ ព្រោះបើសិនឃើញបែបនេះគឺគ្មានអីក្រៅពីរឿងហ្នុងទេ....។

ខ្ញុំសូមចូលរួមសោកស្តាយចំពោះក្រុមគ្រួសារសពរបស់ ស្រីឡៃ ផង